दूहा अर उलटा दूहा

दूहा 

सावण आयो सायबा, दूर देश मत जाय !
तन भीज्यो बरसात में, मन में लागी लाय !!
सावण घणो सुहावणो, हरियो भरियो रूप !
निरखूं म्हारो सायबो, सावण घणो कुरूप !!
साजन उभा सामने, निरखे धण रो रूप !
बादलियाँ रे बीच में, मधुरी मधुरी धूप !!
जोगेश्वर गर्ग

उलटा दूहा
साजन घरां पधारिया, छोड़ परायो देश !

सावण बरसा बादली, अतरी अरज विशेष !!

हिवडे हरख विशेष व्हे, जद साजन घर आय !

मन री मौजां मर रही, सावण सूखो जाय !!

साजन सैणां समझग्या, आया छोड़ विदेश !

सावण तू भी समझ जा, बरसा मेह विशेष !!

जोगेश्वर गर्ग